Sqotesol

Facebook Instagram
Menu
Menu
Menu

Mawohkacik

Pénélope Cormier

Mawohkacik tepinəmohtit
Pénélope Cormier ‘t-ihin Ph.D. ‘ci ewikhasik kehkitikənəl naka notəkehkikemit Université de Moncton, campus d’Edmundston (Espəkehkitimək Moncton Kapskohsisək) ni etəli kinowəkehkikemit ahkatiyen naka miləcəssolticik kehkitikənəl. Petotet təley Moncton, kis wiko Kapskohsisək (NB) nit Wəlastəkuk tociw 2012; təkec tələkehkimso wəlastəkwey latowewakən naka ‘kisitahatəmən wicohketəmən wəlastəkwey latowewəkən etəli kweci apaciptasik. Wikitahatəmən tena etəli kweci eleyimək apaciptasik ‘ciw skicinowək, ciliw kekw əllokhətowək nuci-amalhəcəssewicik ‘ci litpəsowinowey, eli-nənakwsultitit naka t’-əlatowewakənowa Wəlastəkwiyik.

Mélanie LeBlanc

Mawohkacik tepinəmohtit
Mélanie LeBlanc ‘t-ihin Ph.D. ‘ci-latowewakənəl naka notəkehkikemit Université de Moncton, campus d’Edmundston (Espəkehkitimək Moncton Kapskosisək). Tahalo weli kcicihtakw lewestowakən naka pəmawsowakən naka weli kcicihtakw ahkatiyensowi, ‘kəti kcicihton milewestoweyal eyikil naka litahasowakənəl kesəmihkək ewehkasik latowewakənəl naka tan eli latowewakən kwinte-te nənasik, ciliw skicinoweyal kəsəna skat wisəki-tahamkwətonohk latowewakənəl. Petotet ‘ci-maciw Ahkatiyen mataweyik, kis wiku Kapskosisək (NB) tociw 2013 naka nəkəsayiw mace wikitahatəmən wəlastəkwey skicinowihkok, eleyimək tepinəmohtit ktahkəmikw nekəm wikit.

Noémie R. Lavoie

Nihkanatpat ‘ciw ankowehtasik naka piley eli nənasik
Noémie R. Lavoie kehkitaso ‘ciw ewikhasik, milowikhasik, naka nemihtasik esohkew itəmowik naka wəli kcicihton lohkewakən ‘ciw ankowehtasik naka pempawətasik. Tahalo esohkew itəmowik, ankowehtasik naka piley nənasik nihkanatpat ‘ciw Juralingo Inc. tociw 2015, ‘kisi ihinəl wisəkelkil latowewakəneyal kehkitikənəl naka ‘kisihtonəl tan eli nənasik wen nihkanatpat.

Angel Dionne

Mihkokesit ‘ciw nisewey latowewakən nənasik, naka ankowacəmowakən ‘ci pəlecəməney təkkiw ikəlisəmaney
Angel Dionne ‘t-ihin Ph.D. ‘ci milowikhikhətimək ‘cey University of Pretoria (Espəkehkitimək Pretoria) naka notəkehkikemit Université de Moncton, campus d’Edmundston (Espəkehkitimək Moncton Kapskohsisək), nit etələkehkikemit ikəlisəmanatowakən ‘ciw nisewey latowewakən, ewikhikemək naka wikhikənəl. ‘Ci-peciye Malihkinowi-Wapənahkik naka wiko Kapskohsisək (NB) tociw 2016. Piyemitahatək milowikhikhətimək, ikəlisəmanatowakən ‘ciw nisewey latowewakən, naka wikhikənəl weskohotasik petothəticik weci sapiyahtitit miyahs təkiw epahsiw-nisinsk kehsewey kehsikətən Malihkinowihkok (ciliw ‘t-əlohkewakən Bernard Malamud naka Anzia Yezierska).

Allan Tremblay

Latowewakən yaliptakw naka ankowacəmit
Allan Tremblay nət Kehcikətənet naka Latowewakən yaliptakw təley Nekwətkok Skicinowihkok (NB). Skicin elewestakw wəlastəkwey naka ankowacəmowin, ‘kisi ankowacəmənəl wisəkelkil wasisoweyal wikhikənəl naka latowewakəney mihkokesit ‘ciw amalhoweyal lohkewakənəl tahalo Nmihtaqs Sqotewamqol/La cendre de ses os (2019) kisowikhək Dave Jenniss; sitowikhasit nət ankowacəmit nit Ankowacəmowey Mawlokhəticik ‘cey Kanata ‘ciw Chambre des communes/House of Commons naka Sénat/Senate. Allan Tremblay tena notəkehkikemit: kiskehkikemo kehsikətən Nouveau-Brunswick/New Brunswick eyik ikəlisəmaneyal ihtələkehkitimkil, naka pemkiskahk kehkikemo latowewakən ‘ciw kci-pəmawsowinowək etələkehkimsolticik.

Édith Bélanger

Skicin kinowehtowət naka nocikhasit

Édith Bélanger ‘cey Wəlastəkwiyik Wahsipekok Amskwahsewey Skicinowihkw (QC). Pempawətakw nocikhasolticik ‘ci Institut Ashukan, naka tena notwikhiket ‘ciw Radio-Canada – Espaces autochtones naka kislohke tahalo litpəsowinowey papetsakihtakw ‘ciw Assemblée des Premières Nations Québec-Labrador/Assembly of First Nations Quebec-Labrador (Mawiw Amskwahseweyal Skicinowihkol Kepek-Labrador). ‘T-ihin D.E.S.S. ‘ci psiw kekw pempawətotit skicinowey ‘cey École nationale d’administration publique (ENAP) naka taktaley notəkehkimsit nit ihtələkehkitimək ‘ci skicinoweyal kehkitikənəl ‘ci Université du Québec en Abitibi-Témiscamingue (Espəkehkitimək Kepek nit Abitibi-Témiscamingue) ‘ci eleyimək skicinowey sakəmawey. Lohke tena tahalo ankowacəmit naka kisowikhəmənəl cilkeyikil atkohkakənəl cilkeyikil atkohkakənəl eliwihtasik Les arbres murmurent notre histoire (2020).

Lisa-Maude Aubin-Bérubé

Tan eləkehkitasik elihtotit
Lisa-Maude Aubin-Bérubé, ‘cey Wəlastəkwiyik Wahsipekok Amskwahsewey Skicinowihkw (QC) ‘sapiyatəmən Wəlastəkwey Latowewakən Ihtələkehkitimək nit St. Thomas University (Spəmkewin Toma Espəkehkitimək) (2021). Nekəm peskw kehkitikən kisihtakw naka latowewakən kehkikemit ‘ci weceyawit. Təli akwami witəkehkimso nit Wapənahkey Visual Arts kehkitasik nit New Brunswick College of Crafts and Design.

Louis-Xavier Aubin-Bérubé

Tan eləkehkitasik elihtotit
Louis-Xavier Aubin-Bérubé nət Wəlastəkwew təley Wahsipekok (QC) naka Kepekey. ‘Ci sapiye Wetapeksoltiyəkw (Wəlastəkwewi Latowewakən Kehkitikən) nit St. Thomas University (Spəmkewin Toma Espəkehkitimək). Nekəm peskw kisitakw naka ewehket wəlastəkwey kehkitikənəl naka kehkikemoweyal wicohketikənəl ‘ciw Wəlastəkwiyik Wahsipekok Amskwahsewey Sdicinowihkol (2021-2022) naka wiciw mawohkacik kisihtotit miyahs wasisowey sasəkiw lewestowey ihtələkehkitimək (Kehkimin Wəlastəkwey Language Immersion School) nit Ekwpahak (NB) ələkwiw.
Skicinoweyak mihkomotiyik cowi mawlokhətəwək wiciw SKWӘTESӘL nocikhasolticik naka wəlastəkwi skicinowihkol.

Ciliw, keti əllokhətitit əc 1) milowaniya mihkolowemowakən, makwenəməniya litahasowakənəl kəsəna ‘t-əlihtoniya litahasowakənəl ‘ciw kəti əllokhətitit naka kilowahtasik lohkewakənəl eli pawatasik nit SKWӘTESӘL naka nitowihtit skicinowihkok, naka 2) ‘təli nəmihtoniya kilowahtasik əc skicinowək eli nəmihtotit.

Mawlokhəticik nikt təleyak Wəlastəkweyal Amskwahseweyal Skicinowihkol, kisihtasik kisapektek wiciw mawlohkewik skicinowihkol.

Skicinoweyak mihkomotiyik mawlokhəticik məsənəməniya ehtahsikətən SKWӘTESӘL ellokhətitit naka tena tan likapowiw etəliyak lohkewakənəl. Kisi tena kinowehtowawa SKWӘTESӘL yalikhasolticik mawohkacik cowi nit əllokhətitit.

Wiciyewinowək

Édith Bélanger, Wəlastəkwiyik Wahsipekok Amskwahsewey Skicinowihkw (QC)
Shawn Francis, Matawaskiye Amskwahsewey Skicinowihkw (NB)
Caroline Pigeon, Wəlastəkwiyik Wahsipekok Amskwahsewey Skicinowihkw (QC)

Nocikhahsolticik wicohketikənək

Félix Couturier nət Innu, ‘cey Mashteuiatsh ələkwiw (Pointe-Bleue) nit Kepek. Weci sapiyat ihtələkehkitimək Kapskohsisək, api witəkehkimso NB espəkehkitimək naka kislohke tahalo nottəkhotahsit. Təkec əlo nekwiw-sapiyat notəkehkimsit Université de Moncton, campus de Moncton (Espəkehkitimək Moncton təley Moncton), nit etələkehkimsit pihce eleyikpən, ewikhasik, naka lintowakənəl.

Lohkewakənəl
  • Latowewakən elitahatasikil naka kekwseweyal ‘ciw Wəlatəkwiyik (2023)
  • “Kehkimsoltine wəlastəkwey latowewakən” : latowewakəneyal ‘sətomasikil ‘ci Wəlastəkwiyik tahalo əp wəlastəkwey latowewakən apaciyewik (2023)
  • WICIW – kəmpiyohtawək kehkitikən (2023)

Tiffany Dunphy ‘cey Matawaskiyey Wəlastəkwey Skicinowihkok (Kapskosisək, NB) notəkehkimsit ‘ci wələməlsoweyal kehkitikənəl nit Université d’Ottawa/University of Ottawa (Espəkehkitimək Atawa). ‘Ci-maciw ewassisowit, ‘t-ihinehpən wisəki-tahatəmowakən weci kehkimsit pileyal latowewakənəl. Wəli ‘tawi pəlecəmənatowe naka ikəlisəmanatowe naka tələkehkimso wəlastəkwey, səlahkiw nekwt əc ‘kisi itəm eli wisəki-‘tawewestakw.

Lohkewakənəl
  • “Kehkimsoltine wəlastəkwey latowewakən” : latowewakəneyal ‘sətomasikil ‘ci Wəlastəkwiyik tahalo əp wəlastəkwey latowewakən apaciyewik (2022)

Marie-Pier Fortin nət Akatik etələlohkatək kehkitikən ‘ciw Kcihqey nit Espəkehkitəmək Moncton ehtek Kapskohsisək. Wiciw mili-kcicihtakw, ‘kəti piyemi ‘sətəmənəl skicinowihkol weci wəli kcicihtakw pemkiskahk enkamhətomohtit.

Lohkewakənəl
  • Latowewakən elitahatasikil naka kekwseweyal ‘ciw Wəlatəkwiyik (2023)

Noci-amalhəcəssawet :
Julien Massicotte