Mawuhkacik

Pénélope Cormier

Mawuhkacik tepinomuhtit
Pénélope Cormier ‘t-ihin Ph.D. ‘ci ewikhasik kehkitikonol naka nutokehkikemit Université de Moncton, campus d’Edmundston (Espokehkitimok Moncton Kapskuhsisok) nit etoli kinuwokehkikemit ahkatiyen naka milocossulticik kehkitikonol. Petutet toley Moncton, kis wiku Kapskuhsisok (NB) nit Wolastokuk tuciw 2012; tokec tolokehkimsu wolastoqey latuwewakon naka ‘kisitahatomon wicuhketomon wolastoqey latuwewakon etoli qeci apaciptasik. Wikitahatomon tena etoli qeci eleyimok apaciptasik ‘ciw skicinuwok, ciliw keq ollukhotuwok nuci-amalhocossewicik ‘ci litposuwinuwey, eli-nonaqsultitit naka ‘t-olatuwewakonuwa Wolastoqiyik.

Mélanie LeBlanc

Mawuhkacik tepinomuhtit
Mélanie LeBlanc ‘t-ihin Ph.D. ‘ci latuwewakonol naka nutokehkikemit Université de Moncton, campus d’Edmundstion (Espokehkitimok Moncton Kapskuhsisok). Tahalu weli kcicihtaq Lewestuwakon naka pomawsuwakon naka Weli kcicihtaq ahkatiyensuwi, ‘koti kcicihtun milewestuweyal eyikil naka litahasuwakonol kesomihkok ewehkasik latuwewakonol naka tan eli latuwewakon qinte-te nonasik, ciliw skicinuweyal kosona skat wisoki-tahamqotunuhk latuwewakonol. Petutet ‘ci-maciw Ahkatiyen mataweyik, kis wiku Kapskuhsisok (NB) tuciw 2013 naka nokosayiw mace wikitahatomon wolastoqey skicinuwihkuk, eleyimok tepinomuhtit ktahkomiq nekom wikit.

Noémie R. Lavoie

Nihkanatpat ‘ciw ankuwehtasik naka piley eli nonasik
Noémie R. Lavoie kehkitasu ‘ciw ewikhasik, miluwikhasik, naka nemihtasik esuhkew itomuwik naka woli kcicihtun luhkewakon ‘ciw ankuwehtasik naka pempawotasik. Tahalu esuhkew itomuwik, ankuwehtasik naka piley nonasik nihkanatpat ‘ciw Juralingo Inc. tuciw 2015, ‘kisi ihinol wisokelkil latuwewakoneyal kehkitikonol naka ‘kisihtunol tan eli nonasik wen nihkanatpat.

Angel Dionne

Mihkukesit ‘ciw nisewey latuwewakon nonasik, naka ankuwacomuwakon ‘ci polecomoney tokkiw ikolisomaney
Angel Dionne ‘t-ihin Ph.D. ‘ci miluwikhikhotimok ‘cey Espokehkitomok Pretoria naka nutokehkikemit Université de Moncton, campus d’Edmundston (Espokehkitimok Moncton Kapskuhsisok), nit etolokehkikemit ikolisomanatuwakon ‘ciw nisewey latuwewakon, ewikhikemok naka wikhikonol. ‘Ci-peciye Malihkinuwi-Waponahkik naka wiku Kapskuhsisok (NB) tuciw 2016. Piyemitahatok miluwikhikhotimok, ikolisomanatuwakon ‘ciw nisewey latuwewakon, naka wikhikonol weskuhutasik petuthoticik weci sapiyahtitit miyahs tokiw epahsiw-nisinsk kehsewey kehsikoton Malihkinuwihkuk (ciliw ‘t-oluhkewakon Bernard Malamud naka Anzia Yezierska).

Allan Tremblay

Latuwewakon yaliptaq naka ankuwacomit
Allan Tremblay not Kehcikotonet naka Latuwewakon yaliptaq toley Neqotkuk Skicinuwihkuk (NB). Skicin elewestaq wolastoqey naka ankuwacomuwin, ‘kisi ankuwacomonol wisokelkil wasisuweyal wikhikonol naka latuwewakoney mihkukesit ‘ciw amalhuweyal luhkewakonol tahalu Nmihtaqs Sqotewamqol/La cendre de ses os (2019) kisuwikhok Dave Jenniss; situwikhasit not ankuwacomit nit Ankuwacomuwey Mawlukhoticik ‘cey Kanata ‘ciw Chambre des communes/House of Commons naka Sénat/Senate. Allan Tremblay tena nutokehkikemit: kiskehkikemu kehsikoton Nouveau-Brunswick/New Brunswick eyik ikolisomaneyal ihtolokehkitimkil, naka pemkiskahk kehkikemu latuwewakon ‘ciw kci-pomawsuwinuwok etolokehkimsulticik.

Édith Bélanger

Skicin kinuwehtuwot naka nucikhasit

Édith Bélanger ‘cey Wolastoqiyik Wahsipekuk Amsqahsewey Skicinuwihq (QC). Pempawotaq nucikhasulticik ‘ci Institut Ashukan, naka tena nutwikhiket ‘ciw Radio- Canada – Espaces autochtones naka kisluhke tahalu litposuwinuwey papetsakihtaq ‘ciw Assemblée des Premières Nations Québec-Labrador/Assembly of First Nations Quebec-Labrador (Mawiw Amsqahseweyal Skicinuwihkul Kepek-Labrador). ‘T-ihin D.E.S.S. ‘ci psiw keq pempawotutit skicinuwey ‘cey École nationale d’administration publique (ENAP) naka taktaley nutokehkimsit nit ihtolokehkitimok ‘ci skicinuweyal kehkitikonol ‘ci Université du Québec en Abitibi-Témiscamingue (Espokehkitimok Kepek nit Abitibi-Témiscamingue) ‘ci eleyimok skicinuwey sakomawey. Luhke tena tahalu ankuwacomit naka kisuwikhomonol cilkeyikil atkuhkakonol eliwihtasik Les arbres murmurent notre histoire (2020).

Lisa-Maude Aubin-Bérubé

Tan elokehkitasik elihtutit
Lisa-Maude Aubin-Bérubé, ‘cey Wolastoqiyik Wahsipekuk Amsqahsewey Skicinuwihq (QC) ‘sapiyatomon Wolastoqey Latuwewakon Itolokehkitimok nit St. Thomas University (Spomkewin Tuma Espokehkitimok) (2021). Nekom pesq kehkitikon kisihtaq naka latuwewakon kehkikemit ‘ci weceyawit. Toli aqami witokehkimsu nit Waponahkey Visual Arts kehkitasik nit New Brunswick College of Crafts and Design.

Louis-Xavier Aubin-Bérubé

Tan elokehkitasik elihtutit
Louis-Xavier Aubin-Bérubé not Wolastoqew toley Wahsipekuk (QC) naka Kepekey. ‘Ci sapiye Wetapeksultiyoq (Wolastoqewi Latuwewakon Kehkitikon) nit St. Thomas University (Spomkewin Tuma Espokehkitimok). Nekom pesq kisitaq naka ewehket wolastoqey kehkitikonol naka kehkikemuweyal wicuhketikonol ‘ciw Wolastoqiyik Wahsipekuk Amsqahsewey Skicinuwihkul (2021-2022) naka wiciw mawuhkacik kisihtutit miyahs wasisuwey sasokiw lewestuwey ihtolokehkitimok (Kehkimin Wolastoqey Language Immersion School) nit Eqpahak (NB) oloqiw.
Skicinuweyak mihkumutiyik cuwi mawlukhotowok wiciw SQOTESOL nucikhasulticik naka wolastoqi skicinuwihkul.

Ciliw, keti ollukhotitit oc 1) miluwaniya mihkuluwemuwakon, maqenomoniya litahasuwakonol kosona ‘t-olihtuniya litahasuwakonol ‘ciw koti ollukhotitit naka kiluwahtasik luhkewakonol eli pawatasik nit SQOTESOL naka nituwihtit skicinuwihkuk, naka 2) ‘toli nomihtuniya kiluwahtasik oc skicinuwok eli nomihtutit.

Mawlukhoticik nikt toleyak Wolastoqeyal Amsqahseweyal Skicinuwihkul, kisihtasik kisapektek wiciw mawluhkewik skicinuwihkul.

Skicinuweyak mihkumutiyik mawlukhoticik mosonomoniya ehtahsikoton SQOTESOL ellukhotitit naka tena tan likapuwiw etoliyak luhkewakonol. Kisi tena kinuwehtuwawa SQOTESOL yalikhasulticik mawuhkacik cuwi nit ollukhotitit.

Wiciyewinuwok

Édith Bélanger, Wolastoqiyik Wahsipekuk Amsqahsewey Skicinuwihq (QC)
Shawn Francis, Matawaskiye Amsqahsewey Skicinuwihq (NB)
Caroline Pigeon, Wolastoqiyik Wahsipekuk Amsqahsewey Skicinuwihq (QC)

Nucikhahsulticik wicuhketikonok

Félix Couturier not Innu, ‘cey Mashteuiatsh oloqiw (Pointe-Bleue) nit Kepek. Weci sapiyat ihtolokehkitimok Kapskuhsisok, api witokehkimsu NB espokehkitimok naka kisluhke tahalu nuttokhutahsit. Tokec olu neqiw-sapiyat nutokehkimsit Université de Moncton, campus de Moncton (Espokehkitimok Moncton toley Moncton), nit etolokehkimsit pihce eleyikpon, ewikhasik, naka lintuwakonol.

Luhkewakonol
  • Latuwewakon elitahatasikil naka keqseweyal ‘ciw Wolastoqiyik (2023)
  • “Kehkimsultine wolastoqey latuwewakon”: latuwewakoneyal ‘sotumasikil ‘ci Wolastoqiyik tahalu op wolastoqey latuwewakon apaciyewik (2023)

Tiffany Dunphy ‘cey Matawaskiyey Wolastoqey Skicinuwihkuk (Kapskuhsisok, NB) naka nutokehkimsit ‘ci wolomolsuweyal kehkitikonol nit Université d’Ottawa/University of Ottawa (Espokehkitimok Atawa). ‘Ci-maciw ewassisuwit, ‘t-ihinehpon wisoki-tahatomuwakon weci kehkimsit pileyal latuwewakonol. Woli ‘tawi polecomonatuwe naka ikolisomanatuwe naka tolokehkimsu wolastoqey, solahkiw neqt oc ‘kisi itom eli wisoki-‘tawewestaq.

Luhkewakonol
  • “Kehkimsultine wolastoqey latuwewakon”: latuwewakoneyal ‘sotumasikil ‘ci Wolastoqiyik tahalu op wolastoqey latuwewakon apaciyewik (2023)

Marie-Pier Fortin not Akatik etololuhkatok kehkitikon ‘ciw Kcihqey engineering nit Espokehkitomok Moncton ehtek Kapskuhsisok. Wiciw mili-kcicihtaq, ‘koti piyemi ‘sotomonol skicinuwihkul weci woli kcicihtaq pemkiskahk enkamhotumuhtit.

Luhkewakonol
  • Latuwewakon elitahatasikil naka keqseweyal ‘ciw Wolastoqiyik (2023)

nuci-amalhocossawet:
Julien Massicotte