‘Kulasihkulpon

SQOTESOL nikt nucikhahsulticik mawuhkacik nit Université de Moncton, campus d’Edmundston (Espokehkitimok Moncton, toley Kapskuhsisok) amsqahs kisihtasik 2020.

Nit sqotesol nostumoniya eli nituwik, kosona ‘cel ehta cuwi-leyik, weci skat ksihkahtuweq. Kenuk tena kmihkulwemkunen psiw keq kisi lessik. “Pesqon tehpu pukset nituwik” nit SQOTESOL itomuwik.

Koti wicuhketomoniya, qeni ihik UNESCO Psiw skitkomiq ‘qotinsk kehsikoton ‘ciw skicinuweyal latuwewakonol (2022-2032), apaciptasu Wolastoqey latuwewakon naka apaciyak eleyimok ‘ci Wolastoqiyik. Keti ollukhotihtit oc:

tolihtuniya meskasik eleyimok tepitahatasik ‘ciw Wolastoqey latuwewakon;
wicuhketomoniya Wolastoqiyik keti ollukhotitit ‘ciw latuwewakon apaciptasik naka eleyimok mace wehkasik;
‘tolihtuniya naka ‘t-ihiniya kehkikemuweyal wicuhketikonol ‘ci Wolastoqey latuwewakon wici skicinu mawoluhkamahtit.

Yuhtol Wolastoqeyal skicinuwihkul kisi situwikhusultuwok wiciw SQOTESOL:

Mawuhkacik nusuhkomoniya eli pomiyak Espokehkitimok Moncton Comité d’éthique de la recherche avec des êtres humains de l’Université de Moncton, (Kiluwahtutit weci kcitomitahamut psi-wen),naka ollukhotuwok tan eli pomiyak pəmiyak Énoncé de politique des trois conseils : Éthique de la recherche avec des êtres humains – EPTC 2/Tri-Council Policy Statement: Ethical Conduct for Research Involving Humans– TCPS 2 (2018), ciliw ‘sanokahte 9, “Kiluwahtasik wiciw Skicinuwok, Inuit naka Metis toleyak Kanata”, elluhkewik tahalu “elihtasik eli sankewolukhotimok ‘ci kiluwahtasik witolukhotitit Skicinuwok” (EPTC 2 / TCPS 2, 2018). SQOTESOL spi-wolamhotuwok ‘ci Tepeltasik, Pempawotasik, Kisehtasik, naka Tpeltasik (PCAP® / OCAP®) eli-pomiyak Skicinuwi Kinuwehtasey Sakomawasik Hal Centre de gouvernance de l’information des Premières Nations/First Nations Information Governance Centre).

Lahkukok elinaqok

Ewikhasik sqotesol, li-minuwiw sqot kisacuwik weci apc maciyamkolek, wecessik SQOTESOL lahkukok. Neqt acehtasik, ‘komasi nonasik, naka pehkitasik, ewikhasik wecessik sunhikonut ‘cel peciw cepehtasik elinaqok tahalu asuwihtasik elahkukil. Yuhtol wiwonsikil ‘t-olihtuniya asit lahkukok, li-minuwiw eci-motuweyik apaciptasu wolastoqey latuwewakon.